बौद्धजन शाखा क्र. 735 आणि आम्रपाली महिला मंडळ सुकापूर, कोप्रोली, आक्रुली नवीन पनवेल विभाग यांच्या संयुक्त विद्यमाने 69वा धम्मचक्र प्रवर्तन दिन आणि सेवानिवृत्त सभासदांचा सत्कार कार्यक्रमाचे आयोजन करण्यात आले होते.
अध्यक्ष सुरेश कांबळे यांच्या उपस्थितीत विद्यार्थ्यांचाही सत्कार करण्यात आले. या कार्यक्रमाचे सूत्रसंचालन आदरणीय सचिव चंदू कांबळे यांनी तर प्रस्ताविक शाखेचे सहसचिव संजीव पवार यांनी केले. धम्म पूजा प्रख्यात बौधाचार्य सुगंघ कदम गुरुजी यांनी केली. धम्मदेसना आद भन्ते आयन शिलकीर्ती यांनी दिली.
भोजन दान शाखेचे खजिनदार जिल्हापरिषद सदस्य अमित जाधव आणि सामाजिक कार्यकर्ते प्रवीण सावंत यानी दिले. धम्म प्रवचन भीमप्रेरणा सांस्कृतिक केंद्राचे प्रभाकर कांबळे यानी करून आपल्या शाखेने वाचनालय साठी दिलेल्या पुस्तकांचा स्वीकार केला.
महिला चिटणीस सुविधा पवार यानी आणि सह चिटणीस शर्वरी कांबळे यानी आपल्या धम्म कविता सादर केल्या. सहभोजन करून सुजय म्युझिक ग्रुप ने भिम बुद्ध गिते सादर केली. यावेळी उपस्थित महिला आणि तरुण मुले मुलांनी भीमगीत आणि बुद्धगीत यावर नृत्य केले. यावेळी मोठ्या संख्येने नागरिकांनी हजेरी लावली होती.
