- अविरत वाटचाल न्यूज नेटवर्क
- नवी मुंबई, 27 नोव्हेंबर 2025
नवी मुंबई महानगरपालिकेच्या सहयोगाने, जीवनज्योती प्रतिष्ठान वाशी आणि नवी मुंबई रिटेल केमिस्ट असोसिएशन या संस्थांच्या माध्यमातून, आदिवासी पाडा यादवनगर ऐरोली येथे आदिवासी महिलांसाठी साडी व इतर उपयोगी साहित्याचे वाटप आणि वृद्ध, वयस्कर व्यक्तींसाठी वॉकर स्टिक/ काठी वाटप तसेच शालेय मुलांसाठी स्कूलबॅग, वॉटरबॅग, वह्या आणि कंपास इ. शालेय वस्तूंचे वाटप नमुंमपा समाजविकास विभागाचे उपआयुक्त किसनराव पालांडे यांच्या हस्ते, ऐरोली विभागाचे सहाय्यक आयुक्त तथा विभाग अधिकारी नैनेश बदले यांच्या सहकार्याने संपन्न झाले.
याप्रसंगी जीवन ज्योती प्रतिष्ठान या संस्थेचे संचालक विजय ताम्हाणे आणि पदाधिकारी रवी ताजने, जालिंदर ताजने, वसंत ताजने, केमिस्ट असोसिएशनचे सचिव सुनील छाजेड, भरत दर्जी, शंकर जेजुरकर, बाबुराव माने, गोपाल पाटील उपस्थित होते.
========================================================
