नवी मुंबई, 2 फेब्रुवारी 2018/अविरत वाटचाल न्यूज :
होळी उत्सवासाठी तसेच विकेंड सुट्ट्यांच्या काळात कोकणात जाणाऱ्या चाकरमान्यांसाठी कोकण रेल्वे मार्गावर मध्य रेल्वेच्या सहकार्याने विशेष साप्ताहिक गाड्या चालविण्यात येणार आहेत. 2 मार्च ते 2 एप्रिल या काळात या विशेष साप्ताहिक गाड्या चालविण्यात येणार आहेत.
- गाडी क्रमांक 01145 लोकमान्य टिळक टर्मिनस-करमाळी ही विशेष गाडी 2 आणि 30 मार्च रोजी रोजी मध्यरात्री 1.10 ला लोकमान्य टिळक टर्मिनसहून सुटेल आणि त्याच दिवशी सकाळी 11.20 ला करमाळी स्थानकात पोहोचेल.
- गाडी क्रमांक 01146 करमाळी- लोकमान्य टिळक टर्मिनस ही विशेष गाडी 2 आणि 30 मार्च रोजी रोजी दुपारी 2 वाजता करमाळी स्थानकातून सुटेल आणि दुसऱ्या दिवशी मध्यरात्री 12.20 ला लोकमान्य टिळक टर्मिनसला पोहोचेल.
गाड्यांचे थांबे
- या विशेष गाड्यांना ठाणे, पनवेल, रोहा, खेड, चिपळुण, रत्नागिरी,कणकवली, कुडाळ आणि थिविम स्थानकांमध्ये थांबा देण्यात येणार आहे.
डब्यांची रचना
- या विशेष गाड्यांना 20 डबे जोडण्यात येणार आहेत. त्यामध्ये फर्स्ट एसी 1 डबा, फर्स्ट एसी आणि 2 टायर एसीचा 1डबा, 2 टायर एसीचे 4 डबे, 3 टायर एसीचे 11 डबे, जनरेलट आणि एसएलआर 2 डबे
- गाडी क्रमांक 01137 लोकमान्य टिळक टर्मिनस-सावंतवाडी एक्सप्रेस ही गाडी 5 मार्च आणि 2 एप्रिल रोजी मध्यरात्री 1.10 ला लोकमान्य टिळक टर्मिनसहून सुटेल आणि त्याच दिवशी सकाळी 10.30 ला सावंतवाडी स्थानकात पोहोचेल.
- गाडी क्रमांक 01138 सावंतवाडी – लोकमान्य टिळक टर्मिनस एक्सप्रेस ही गाडी 5 मार्च आणि 2 एप्रिल रोजी दुपारी 2.5 ला सावंतवाडी स्थानकातून सुटेल आणि दुसऱ्या दिवशी मध्यरात्री 12.20 ला लोकमान्य टिळक टर्मिनसला पोहोचेल.
गाड्यांचे थांबे
- या विशेष गाड्यांना ठाणे, पनवेल, रोहा, खेड, चिपळुण, रत्नागिरी,कणकवली, कुडाळ स्थानकांमध्ये थांबा देण्यात येणार आहे.
डब्यांची रचना
- या विशेष गाड्यांना 17 डबे जोडण्यात येणार आहेत. त्यामध्ये 2 टायर एसीचे 1 डबा, 3 टायर एसीचे 2 डबे, स्लीपरचे 8 डबे, जनरल 4 डबे, एसएलआर 2 डबे
