अमृत ज्येष्ठ नागरिकांना काही काळ सवलत
- अविरत वाटचाल न्यूज नेटवर्क
- 1 सप्टेंबर 2026
महाराष्ट्र राज्य मार्ग परिवहन महामंडळाच्या (एसटी) बसमधून प्रवास करणाऱ्या ज्येष्ठ नागरिक आणि महिला प्रवाशांसाठी महत्त्वाची सूचना आहे. १ सप्टेंबर २०२६ पासून शासनाच्या सवलतीचा लाभ घेणाऱ्या ज्येष्ठ नागरिक व महिला प्रवाशांना NCMC कार्डद्वारेच सवलतीचे तिकीट देण्याची प्रक्रिया सुरू करण्यात येणार आहे.त्यामुळे संबंधित प्रवाशांनी NCMC कार्ड प्रवास करताना सोबत ठेवण्याचे आवाहन एसटी महामंडळाने केले आहे.
क्लिक करा: गौरी-गणपतीसाठी कोकणात एसटीच्या ५,२२० जादा बसेस धावणार
विविध सामाजिक घटकांना शासन निर्देशानुसार सवलतीच्या दरात प्रवासाची सुविधा देण्यात येते. या प्रवाशांसाठी NCMC कार्डची नोंदणी व वितरण करण्याचे काम महामंडळाने सुरू केले आहे. यासाठी ई-बिक्स टेक्नॉलॉजीज लि. यांची NCMC कार्ड नोंदणी व वितरणासाठी नियुक्ती करण्यात आली आहे.
सध्या ज्येष्ठ नागरिक आणि महिला प्रवाशांचे NCMC कार्ड नोंदणी व वितरणाचे काम सुरू आहे. त्यानंतर इतर सवलतधारक प्रवाशांसाठीही NCMC कार्ड नोंदणी व वितरणाची कार्यवाही करण्यात येणार आहे.
१ सप्टेंबरपासून NCMC कार्ड आवश्यक
एसटी महामंडळाकडून देण्यात आलेले NCMC कार्ड ६५-७५ वर्षापर्यंत चे ज्येष्ठ नागरिक व महिला प्रवाशांना
प्रवाशांना १ सप्टेंबर २०२६ पासून अनिवार्य करण्यात येणार आहे. या तारखेपासून ज्येष्ठ नागरिक व महिला प्रवाशांना शासनाच्या सवलतीचा लाभ घेताना सवलतीचे तिकीट NCMC कार्डमधूनच वितरित करण्यात येणार आहे.
याशिवाय, एसटी महामंडळाच्या बसमधून प्रवास करणाऱ्या संबंधित प्रवाशांनी NCMC कार्डचे Top-up (रक्कम भरणे) करून घेणे आवश्यक आहे.
क्लिक करा: वाशी येथे महापालिकेचे 50 खाटांचे डायलिसीस सेंटर सुरू
याबाबतची मानक कार्यप्रणाली (SOP) संबंधित आगारांना पाठविण्यात आली आहे.त्यामुळे ज्येष्ठ नागरिक आणि महिला प्रवाशांनी १ सप्टेंबरपूर्वी आपल्या जवळच्या एसटी आगाराशी संपर्क साधून NCMC कार्डची नोंदणी व वितरणाची प्रक्रिया पूर्ण करून घ्यावी, तसेच कार्डमध्ये आवश्यक रक्कम Top-up करून ठेवावी, असे आवाहन एसटी महामंडळाने केले आहे.
चौकट
अमृत ज्येष्ठ नागरिक म्हणजे ७५ वर्षांवरील ज्येष्ठ नागरिक यांच्या नोंदणी प्रक्रियेमध्ये येणाऱ्या अडचणींमुळे (हाताचे ठसे न उठणे )त्यांच्या विषयी सक्ती करण्यास काही काळ वाढवून दिला आहे.
प्रवाशांनी ऐनवेळी होणारी गैरसोय टाळण्यासाठी NCMC कार्डची प्रक्रिया वेळेत पूर्ण करावी, असेही महामंडळाने स्पष्ट केले आहे.
========================================================
