पॅकबंद खाद्यपदार्थांच्या एक्सपायरी डेटमध्ये फेरफार करणारे रॅकेट जेरबंद
- अविरत वाटचाल न्यूज नेटवर्क
- नवी मुंबई, 1 सप्टेंबर 2026
विविध नामांकित खाद्यपदार्थ कंपन्यांच्या पॅकेटवरील मुदत समाप्ती तारीखेमध्ये फेरफार करून वाढीव मुदत समाप्ती तारीख टाकणा-या एका टोळीवर नवी मुंबई गुन्हे शाखेने आणि अन्न व औषध प्रशासन विभागाने संयुक्त कारवाई करत हा गुन्हा उघडकीस आणला आहे. ५ दिवस चाललेल्या झाडाझडतीनंतर तुर्भे पोलीस ठाण्यात ३ व्यक्ती व ११ निर्यातदार कंपन्यांविरोधात विविध कलमांन्वये गुन्हा दाखल करण्यात आला असल्याची माहिती नवी मुंबई पोलिसांच्या गुन्हे शाखेचे सहायक पोलीस आयुक्त भाऊसाहेब ढोले यांनी पत्रकार परिषदेत दिली. यावेळी अन्न आणि औषध प्रशासनाच्या ठाणे जिल्ह्याचे सहआयुक्त सचिन जाधव आणि इतर अधिकारी उपस्थित होते.
२४ ऑगस्ट रोजी तुर्भे इथल्या मे. साधना एंटरप्रायजेस, प्लॉट क्र. सी-४४९, टीटीसी इंडस्ट्रियल विभाग इथं वेअरहाउसमध्ये विविध नामांकित कंपन्यांच्या अन्नपदार्थाच्या पॅकेजवरील मुळ उत्पादनांच्या तारखा बेकायदेशीरपणे बदलुन त्या खादयपदार्थांची विक्री व निर्यात करत असल्याची माहिती मिळाली. तिथे छापा टाकला असता मूळ उत्पादन दिनांक, मुदत समाप्ती तारीख इत्यादी माहिती थिनरच्या साहयाने पुसून काढून त्याऐवजी नवीन वाढीव उत्पादन दिनांक , मुदत समाप्ती तारीख इंकजेट मशीन व्दारे छापण्याचे काम करत असल्याचं आढळून आले. त्यानंतर लागलीच अन्न औषध प्रशासन विभागाशी संपर्क साधून याबाबत माहिती देण्यात आली.
क्लिक करा : मानसिकतेविरूध्द कायद्याची साथ महत्त्वाची
या संयुक्त कार्यवाहीमध्ये २४ ते ३० ऑगस्ट पर्यत या ठिकाणी असलेल्या सर्व मालाची तपासणी केली असता तिथे एकुण १८ निर्यातदार यांचा एकुण २ कोटी ४६ लाख ५३ हजार ३५४ किंमतीचा माल आढळून आला. यानंतर या वेअरहाउसचा परवाना अन्न सुरक्षा व मानदे कायदया अंतर्गत निलंबीत करण्यात आला आहे.
या ठिकाणी असलेल्या सर्व मालाची तपासणी केली असता तेथे एकुण १८ निर्यातदार यांचा एकुण २,४६,५३,३५४/- किंमतीचा माल मिळुन आला. त्यामालपैकी एकुण ११ निर्यातदारांचा ७५,२१,२६९/- रूपयाचे कुरकुरे, ग्रीन चटणी, लेज, लेमन चिल्ली, लेज सिजींग हॉट, कुरकुरे शेजवान नुडल्स, रसोई अमृतसरी टिक्का मसाला, रसोई दम आलु, रसोई पनीर भुर्जी, रसोई दाल मखनी, मशरूम सुप, फन मसाला, फन फ्लीप्स टॅन्गो, फन फ्लीप्स कट्टा, फन फ्लीप्स मॉकटेल, बिंन्गो मॅड अॅन्गल्स अचारी, कुरकुरे मसाला मंन्च, लेज स्पेनिश टॅन्गो टोमॉटो, मॅगी मसाला नुडल्स, लेज क्लासिक सॉल्टेड, पॉपकॉर्न यम्मी चिज, कुरकुरे रेड चिल्ली चटका, कुरकुरे नॉटी टोमॉटो हॉट अॅन्ड स्विट, कुरकुरे सॉलीड मस्ती तसेच विविध प्रकारची कोल्ड ड्रिक्स (थम्स अप, लिमका टिन कॅन) इत्यादी मालावरील अन्नपदार्थांच्या पॅकेजवरील मुळ उत्पादनांच्या मुळ लेबलची व पाकीटावरील उत्पादन दिनांक (Date of Manufacturing), मुदत समाप्ती दिनांक (Expiry/Best Before Date) व बॅच नंबर मध्ये बदल केला आहे.
नवी मुंबई पोलीस आयुक्त मिलिंद भारंबे यांच्या आदेशाने गुन्हे शाखेचे पोलीस उपआयुक्त सचिन गुंजाळ यांच्या मार्गदर्शनाखाली गुन्हे शाखेचे सहाय्यक पोलीस आयुक्त भाऊसाहेब ढोले, गुन्हे शाखेचे मध्यवर्ती कक्षाचे वपोनि अजय शिंदे, सपोनि श्रीनिवास तुंगेनवार, सपोनि महेश जाधव, पोहवा/संजय राणे, पो.हवा/बलदेवसिंग अधिकारी, पोना/सचिन टिके, पोना/दिलीप ठाकुर, मपोशि/पुजा वैदय यांनी केली आहे. सदर गुन्हयाचा पुढील तपास मध्यवर्ती गुन्हे शाखा नवी मुंबई हे करीत आहे.
========================================================
