पनवेल, 5 मे 2017/AV News Bureau:
पनवेल महानगरपालिका निवडणुकीसाठी भाजप-रिपाइं युतीच्या उमेदवारांनी शक्ती प्रदर्शन करीत आज आपले उमेदवारी अर्ज दाखल केले. यावेळी निवडणूक प्रभारी व राज्यमंत्री रविंद्र चव्हाण, माजी खासदार लोकनेते रामशेठ ठाकूर, भाजपाचे रायगड जिल्हाध्यक्ष आमदार प्रशांत ठाकूर उपस्थित होते. आज अर्ज न भरलेले उमेदवार उद्या आपले उमेदवारी अर्ज भरणार आहेत.
अर्ज दाखल करण्याआधी पक्ष कार्यालयात महामानवांच्या प्रतिमेस अभिवादन करून उमेदवारांसोबत मान्यवरांनी रॅलीने प्रस्थान केले. भारत माता की जय, जय भवानी जय शिवाजी, भारतरत्न डॉ.बाबासाहेब आंबेडकरांचा विजय असो, भारतीय जनता पार्टी आरपीआयचा विजय असो, लोकनेते रामशेठ ठाकूर आमदार प्रशांत ठाकूर आगे बढो हम तुम्हारे साथ है, अशा गगनभेदी घोषणांनी परिसर दणाणून गेला होता.
एकूण 20 प्रभागातून 78 जागांसाठी ही निवडणुक होणार असून प्रभाग क्रमांक 1 ते 3 चे अर्ज नावडे येथे, प्रभाग क्रमांक 4 ते 6 चे अर्ज खारघर, प्रभाग 7 ते 10 चे अर्ज कळंबोली, कामोठे येथे प्रभाग 11ते 13 चे अर्ज, तर पनवेल मधील दोन केंद्रावर प्रभाग 14 ते 20 चे अर्ज दाखल करण्यात येणार आहेत.
आज अर्ज भरणारे उमेदवार
- प्रभाग 2- दिनेश रविंद्र खानावकर, राम महादू पाटील, कुंदा कॄष्णा पाटील, लता गौरव भोर्इर,
- प्रभाग 3- प्रतिक्षा प्रल्हाद केणी,
- प्रभाग 11- संतोषी तुपे,
- प्रभाग 12 – दिलीप पाटील, पुष्पा कुत्तरवडे,
- प्रभाग 13- डॉ. अरूणकुमार भगत, विकास घरत, हरजिंदर कोर,
- प्रभाग 15 -सितातार्इ पाटील,
- प्रभाग 16- संतोष शेट्टी, समीर ठाकूर, डॉ. कविता किशोर चौतमोल, राजश्री महेंद्र वावेकर,
- प्रभाग 17 – ऍड. मनोज भुजबळ,
- प्रभाग19- परेश ठाकूर, मुग्धा लोंढे, दर्शना भोर्इर,
- प्रभाग क्रमांक 20- चारूशिला घरत, तेजस कांडपिळे, अजय बहिरा
भाजपचे कांही कार्यकर्ते नाराज असतील त्यांची नाराजी दूर करू. बंडखोर हा शब्द भाजपच्या कोशात नाही त्यामुळे त्यांना आम्ही बंडखोर म्हणणार नाही. भाजप सरकारने स्मार्ट शहरांचा अजेंडा ठेवला आहे त्याला चांगला प्रतिसाद मिळत आहे. त्यामुळे पनवेल महानगरपालिकेवर भाजपचा झेंडा फडकेल असा विश्वास आहे. – रवींद्र चव्हाण, भाजपचे निवडणूक प्रभारी
भाजपयुतीच्या ५० टक्के उमेदवारांचे अर्ज आज भरले असून उद्या उर्वरित उमेदवारांचे अर्ज भरले जातील–– रामशेठ ठाकूर, माजी खासदार
प्रभाग क्रमांक १९ येथे सर्वच राजकीय पक्षांची कार्यालये आहेत. या प्रभागातून मी भाजप युतीतर्फे उमेदवारी अर्ज भरला आहे. भाजपच्या विजयाची सुरुवात प्रभाग क्रमांक १९ मधून होणार आहे.– परेश ठाकूर, प्रभाग क्रमांक १९ चे उमेदवार
