- अविरत वाटचाल न्यूज नेटवर्क
- नवी मुंबई, 21 जुलै 2025
नवी मुंबई महानगनरपालिकेच्या शाळांमध्ये वृक्षारोपणाचा उपक्रम राबविण्यात येत असून करावे गाव येथील शाळा क्रमांक 112 मध्ये शाळकरी विद्यार्थ्यांनी शाळा परिसरात वृक्षारोपण करून पर्यावरण संवर्धनाचा संदेश दिला.
नवी मुंबई महानगरपालिका आयुक्त कैलास शिंदे यांच्या निर्देशानुसार नवी मुंबई महापालिकेच्या शाळांमध्ये वृक्षारोपणाचा उपक्रम राबविण्यात येत आहे. याअनुषंगाने करावे गाव येथील स्व.गंगाराम बारशा म्हात्रे शाळा क्रमांक ११२ मध्ये विद्यार्थ्यांनी वृक्षरोपण केले. यावेळी विद्यार्थी आणि विद्यार्थीनींनी उत्साहाने भाग घेतला.
शाळेच्या मुख्याध्यापक सविता अन्ना घुळे तसेच वंदना वरळीकर, जयदीप वसावे, योगिता पाटील, सुमन सायमुठे, देवीदास राठोड, करण धनवटे आदी शिक्षक तसेच इतर शिक्षकेतर कर्मचाऱ्यांनी यावेळी मुलांना मार्गदर्शन केले.
