ठाणे 2 फेब्रुवारी 2017/AV News Bureau:
ठाणे महापालिकेला स्टेमकडून होणारा पाणी पुरवठा शुक्रवार, 3 फेब्रुवारी रोजी सकाळी 9 ते शनिवार, 4 फेब्रुवारी रोजी सकाळी 9 पर्यंत बंद राहणार असल्याचे महापालिकेच्या पाणी पुरवठा विभागाने जाहीर केले आहे.
ठाणे महापालिकेच्या स्वतःच्या पाणी पुरवठा योजनेमधून महापालिका क्षेत्रातील समतानगर, ऋतुपार्क, सिध्देश्वर, जेल, साकेत, उथळसर, रेतीबंदर, मुंब्रा-कोळीवाडा, शैलेशनगर, संजयनगर व कळव्याच्या काही भागात शुक्रवार रोजी सकाळी 9 ते रात्री 9 वाजेपर्यत चालू राहील व घोडबंदर रोड, पातलीपाडा, पवारनगर, कोठारी कंपाऊंड,आझादनगर, डोंगरीपाडा, वाघबीळ या परिसराचा पाणी पुरवठा शुक्रवार रात्री 9 ते शनिवार सकाळी 9 वाजेपर्यत चालू राहील. टप्प्याटप्प्याने एक वेळ पाणी पुरवठा सुरु ठेवण्याचे नियोजन करण्यात आलेले आहे.
या शटडाऊनमुळे पुढील एक ते दोन दिवस कमी दाबाने पाणी पुरवठा होणार असून, नागरिकांनी पालिकेस सहकार्य करावे असे आवाहन पाणी पुरवठा विभागाने केले आहे.
